قازاقستان رەسپۋبليكاسى ۇكىمەتىنىڭ قاۋلىسى  №345

2016 جىلعى 10 ماۋسىم, استانا, ۇكىمەت ءۇيى بىتىمگەرشىلىك وپەراتسياعا دايىندىق قاعيدالارىن بەكىتۋ تۋرالى «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» 2015 جىلعى 15 ماۋسىمداعى قازاقستان رەسپۋبليكاسىنىڭ زاڭى 8-بابىنىڭ 8) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان بىتىمگەرشىلىك وپەراتسياعا دايىندىق قاعيدالارى (بۇدان ءارى – قاعيدالار) بەكىتىلسىن. 2. ورتالىق مەملەكەتتىك ورگاندار مەن قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار (كەلىسىم بويىنشا) بىتىمگەرشىلىك وپەراتسياعا قاتىسۋعا ەرىكتى تۇردە نيەت بىلدىرگەن ازاماتتار قاتارىنان ۇلتتىق كونتينگەنتتى ىرىكتەۋدى جانە ولاردى بىتىمگەرشىلىك دايىندىقتان ءوتۋ ءۇشىن قازاقستان رەسپۋبليكاسىنىڭ قورعانىس مينيسترلىگىنە ىسساپارعا جىبەرۋدى قامتاماسىز ەتسىن. 3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ قازاقستان رەسپۋبليكاسى ۇكىمەتىنىڭ 2016 جىلعى 10 ماۋسىمداعى №345 قاۋلىسىمەن بەكىتىلگەن بىتىمگەرشىلىك وپەراتسياعا دايىندىق قاعيدالارى 1. جالپى ەرەجەلەر 1. وسى بىتىمگەرشىلىك وپەراتسياعا دايىندىق قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» 2015 جىلعى 15 ماۋسىمداعى قازاقستان رەسپۋبليكاسىنىڭ زاڭى 8-بابىنىڭ 8) تارماقشاسىنا سايكەس ازىرلەندى جانە بىتىمگەرشىلىك وپەراتسياعا دايىندىق ءتارتىبىن ايقىندايدى. 2. بىتىمگەرشىلىك وپەراتسياعا دايىندىقتى جوسپارلاۋ 2. بىتىمگەرشىلىك وپەراتسيالارعا دايىندىقتى جوسپارلاۋ (بۇدان ءارى – بىتىمگەرشىلىك دايىندىق) سىرتقى ساياسات سالاسىنداعى ۋاكىلەتتى ورگاننىڭ قازاقستان رەسپۋبليكاسىنىڭ پرەزيدەنتىنە جانە قازاقستان رەسپۋبليكاسىنىڭ ۇكىمەتىنە ۇلتتىق كونتينگەنتتىڭ بىتىمگەرشىلىك وپەراتسياعا قاتىسۋ سىرتقى ساياساتىنىڭ ورىندىلىعى تۋرالى ۇسىنىستاردى ەنگىزۋدەن باستالادى. 3. ۇلتتىق كونتينگەنتتى جىبەرۋدى جوسپارلايتىن مەملەكەتتىك ورگان قۇزىرەتتى مەملەكەتتىك ورگاندارمەن بىرلەسىپ, مۇمكىندىگىنشە بىتىمگەرشىلىك وپەراتسياعا قاتىسۋ اۋدانىنا (ايماعىنا) الدىن الا بارلاۋ جۇرگىزەدى جانە قازاقستان رەسپۋبليكاسىنىڭ ۇكىمەتىنە مىناداي اقپارات بەرەدى: 1) بىتىمگەرشىلىك وپەراتسياعا قاتىسۋ ءوڭىرىنىڭ, اۋدانىنىڭ (ايماعىنىڭ) ينفراقۇرىلىمى جانە ۇلتتىق كونتينگەنتتى ماتەريالدىق-تەحنيكالىق جانە باسقا دا قامتاماسىز ەتۋ تۇرلەرى جونىندەگى ۇسىنىستار; 2) نەگىزگى مىندەتتەرى, قارۋ-جاراعىنىڭ, مۇلكىنىڭ ۇلگىسى مەن قۇرامى, ۇلتتىق كونتينگەنتتىڭ سانى مەن قۇرامى, باعىنىستىلىعى, بولۋ مەرزىمدەرى, اۋىستىرۋ ءتارتىبى, بىتىمگەرشىلىك وپەراتسيانى وتكىزۋ ورنىنا جانە كەرى قاراي شىعارۋ, تاسىمالداۋ شارتتارى, سونداي-اق ناقتى بىتىمگەرشىلىك وپەراتسياعا بايلانىستى باسقا دا اقپارات; 3) ۇلتتىق كونتينگەنتتىڭ بىتىمگەرشىلىك وپەراتسياعا قاتىسۋ ءۇشىن ونىڭ قارجىلاندىرۋ كوزىن كورسەتە وتىرىپ قوسىمشا قاراجات ءبولۋ تۋرالى ۇسىنىس. 4. سىرتقى ساياسات سالاسىنداعى ۋاكىلەتتى ورگان بىتىمگەرشىلىك قىزمەت ماسەلەلەرى بويىنشا حالىق­ارالىق ۇيىمدارمەن جانە ارىپتەس مەملەكەتتەرمەن كەلىسسوزدەر جۇرگىزەدى, ءوزارا ءىس-قيمىل جاسايدى. 3. ۇلتتىق كونتينگەنتتى وقىتۋ 5. ۇلتتىق كونتينگەنتتىڭ جەكە قۇرامىن بىتىمگەرشىلىك وپەراتسيالاردى دايىنداۋ جانە وتكىزۋ نەگىزدەرىنە, حالىقارالىق قۇقىق نەگىزدەرىنە, بىتىمگەرشىلىك قىزمەت جونىندەگى نورماتيۆتىك قۇقىقتىق بازا ەرەجەلەرىنە, ۇلتتىق كونتينگەنتتىڭ مىندەتتەرىنە جانە ولاردى ورىنداۋ تاسىلدەرىنە وقىتۋ قازاقستان رەسپۋبليكاسىنىڭ قورعانىس ءمينيسترى بەكىتكەن جوسپار بويىنشا قازاقستان رەسپۋبليكاسى قورعانىس مينيسترلىگىنىڭ بازاسىندا ىسكە اسىرىلۋدا. 6. بىتىمگەرشىلىك دايىندىق بارىسىندا ازاماتتىق پەرسونالمەن بىتىمگەرشىلىك قىزمەتتىڭ قۇقىقتىق نەگىزدەرى, نەگىزگى وقىتۋ پاندەرى بويىنشا تەوريالىق ەرەجەلەر جونىندەگى ساباقتار وتكىزىلەدى, دالا جاتتىعۋلارى ۇلتتىق كونتينگەنتتىڭ قۇرامىندا بىتىمگەرشىلىك مىندەتتەردى ورىنداۋمەن بايلانىستى ماسەلەلەر پراكتيكالىق جاعىنان پىسىقتالادى. ساباقتارعا قاتىسۋ بارىسىندا ەڭبەگىنە اقى تولەۋدى, ءىسساپار شىعىستارىن تولەۋدى وقىتىلاتىن ادام شتاتىندا تۇرعان مەملەكەتتىك ورگان جۇزەگە اسىرادى. مەملەكەتتىك ورگاندار (ۇيىمدار) وسى مەملەكەتتىك ورگانداردىڭ (ۇيىمدار) قىزمەتكەرلەرىمەن كەلىسىمشارت جاساسادى, وندا بىتىمگەرشىلىك وپەراتسيالارىنىڭ شارتى مەن قاتىسۋ ءتارتىبى كورسەتىلەدى. كەلىسىمشارت نىسانى قوسىمشاعا سايكەس وسى قاعيدالاردا بەلگىلەنەدى. 7. بىتىمگەرشىلىك دايىندىق بارىسىندا اسكەري پەرسونالمەن اسكەري دايىندىق, بىتىمگەرشىلىك وپەراتسيالارعا ارنايى دايىندىق, بىتىمگەرشىلىك ميسسياعا كەتەر الدىنداعى دايىندىق, شتابتىق جاتتىعۋلار, سونداي-اق بىتىمگەرشىلىك وقۋ-جاتتىعۋلار وتكىزىلەدى. 8. بىتىمگەرشىلىك دايىندىقتى قامتاماسىز ەتۋ جانە ۇلتتىق كونتينگەنتتىڭ بىتىمگەرشىلىك وپەراتسيانى جۇرگىزۋگە ارنالعان مانداتتا كوزدەلگەن مىندەتتەردى ورىنداۋ ءۇشىن قاجەتتى ءبىلىم مەن پراكتيكالىق داعدىلاردى الۋى ماقساتىندا شەت مەملەكەتتەردىڭ ازاماتتىق ماماندارى مەن قارۋلى كۇشتەرىنىڭ بولىمشەلەرىن تارتا وتىرىپ, وقۋ-جاتتىعۋلار, كۋرستار, سەمينارلار, ترەنينگتەر مەن باسقا دا ءىس-شارالار وتكىزىلۋى مۇمكىن. 9. بىتىمگەرشىلىك وقۋ-جاتتىعۋلار حالىقارالىق ۇيىمدارمەن جانە (نەمەسە) ارىپتەس مەملەكەتتەرمەن ىنتىماقتاستىق شەڭبەرىندە قازاقستان رەسپۋبليكاسىنىڭ اۋماعىندا جانە ونىڭ شەگىنەن تىس جەردە وتكىزىلەدى. وقۋ-جاتتىعۋدى وتكىزەتىن مەملەكەتتىك ورگاننىڭ شاقىرۋى بويىنشا بىتىمگەرشىلىك وقۋ-جاتتىعۋلارعا ءوز سالاسىنداعى ماماندار رەتىندە ازاماتتىق پەرسونال تارتىلۋى مۇمكىن. 10. قازاقستان رەسپۋبليكاسىنىڭ قورعانىس مينيسترلىگى بازاسىندا اسكەري جانە/نەمەسە ازا­مات­تىق پەرسونالدىڭ بىتىمگەرشىلىك دايىندىعى جۇزەگە اسىرىلاتىن اسكەري ءبولىمدى (مەكەمەنى) ايقىندايدى. 11. اسكەري جانە/نەمەسە ازاماتتىق پەرسونالدىڭ قۇرامى, قۇرىلىمى مەن سانى بىرىككەن ۇلتتار ۇيىمىنىڭ (بۇدان ءارى – بۇۇ) جارعىسىنا سايكەس حالىقارالىق ۇيىم قابىلداعان بىتىمگەرشىلىك وپەراتسيانى جۇرگىزۋگە ارنالعان ماندات نەگىزىندە ايقىندالادى. 12. بىتىمگەرشىلىك وپەراتسياعا قاتىسۋ ءۇشىن قويىلاتىن جالپى تالاپتار: ءتىل ءبىلۋ, جەكە پسيحولوگيالىق ەرەكشەلىكتەرىن ەسكەرە وتىرىپ, قولايسىز كليماتتىق جاعدايلاردا قىزمەت وتكەرۋگە جارامدىلىعى تۋرالى مەديتسينالىق كوميسسيانىڭ قورىتىندىسى, بۇۇ-نىڭ سۇراۋ سالۋىنا سايكەس كاسىبي دەڭگەيى مەن بىلىكتىلىگىنىڭ بىتىمگەرشىلىك وپەراتسيادا قويىلعان مىندەتتەردى ورىنداۋعا سايكەس كەلۋى بولىپ تابىلادى. 13. قازاقستان رەسپۋبليكاسىنىڭ قورعانىس مينيسترلىگى ۇلتتىق كونتينگەنتتى بىتىمگەرشىلىك وپەرا­تسياعا جىبەرەر الدىندا بىتىمگەرشىلىك دايىندىقتان وتكەننەن كەيىن ون كۇن مەرزىمدە ۇلتتىق كونتين­گەنتتىڭ بىتىمگەرشىلىك وپەراتسياعا دايىندىعى تۋرالى قازاقستان رەسپۋبليكاسىنىڭ ۇكىمەتىن حاباردار ەتەدى. 4. جەدەل شتاب قۇرۋ 14. ۇلتتىق كونتينگەنتتىڭ قۇرامىنا ءارتۇرلى مەملەكەتتىك ورگانداردان (ۇيىمداردان) اسكەري جانە ازاماتتىق پەرسونالدى تارتۋ كەزىندە قازاقستان رەسپۋبليكاسىنىڭ ۇكىمەتى جەدەل شتاب قۇرۋ تۋرالى شەشىم قابىلدايدى. 15. قازاقستان رەسپۋبليكاسىنىڭ شەگىنەن تىس جەردە ۇلتتىق كونتينگەنتتىڭ جۇمىس ىستەۋىن قامتاماسىز ەتۋ جونىندەگى مىندەتتەردى شەشۋ جانە تۋىندايتىن پروبلەمالاردى ۋاقتىلى شەشۋ ءۇشىن ۇلتتىق كونتينگەنتتىڭ بىتىمگەرشىلىك وپەراتسياعا قاتىسۋى كەزەڭىندە جەدەل شتاب قۇرىلادى. جەدەل شتاب قۇرامىنا قىزىعۋشىلىق تانىتقان ورتالىق مەملەكەتتىك ورگانداردىڭ وكىلدەرى ەنگىزىلەدى. اسكەري پەرسونالدى جىبەرەتىن مەملەكەتتىك ورگاننىڭ ءبىرىنشى باسشىسى جەدەل شتابتىڭ باسشىسى بولىپ تاعايىندالادى. 5. بىتىمگەرشىلىك دايىندىقتىڭ وزگە دە ماسەلەلەرى 16. ۇلتتىق كونتينگەنتتى ماتەريالدىق-تەحنيكالىق قامتاماسىز ەتۋ «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» 2015 جىلعى 15 ماۋسىمداعى قازاقستان رەسپۋبليكاسىنىڭ زاڭى 14-بابىنىڭ شەڭبەرىندە جۇزەگە اسىرىلادى. 17. ۇلتتىق كونتينگەنتىن بىتىمگەرشىلىك وپەراتسياعا قاتىسۋ ءۇشىن جىبەرۋ جوسپارلانىپ وتىرعان مەملەكەتتىك ورگان (ۇيىم): 1) تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ۇلتتىق كونتينگەنتكە كەتەر الدىندا جانە بىتىمگەرشىلىك وپەراتسياعا قاتىسۋ كەزەڭىندە پروفيلاكتيكالىق ەگۋلەردى, سونداي-اق بىتىمگەرشىلىك وپەراتسيادان قايتىپ ورالعاننان كەيىن وڭالتۋ ءىس-شارالارىن جۇرگىزۋدى ۇيىمداستىراتىن جانە قامتاماسىز ەتەتىن دەنساۋلىق ساقتاۋ سالاسىنداعى ۋاكىلەتتى ورگانعا; 2) قولجەتىمدى بايلانىس تۇرلەرىمەن قامتاماسىز ەتۋگە جانە ۇلتتىق كونتينگەنت پەن جۇكتەردى بىتىمگەرشىلىك وپەراتسيانى جۇرگىزۋ ايماعىنا (اۋدانىنا) جانە كەرى قاراي تاسىمالداۋعا جاردەمدەسەتىن بايلانىس جانە كولىك سالاسىنداعى ۋاكىلەتتى ورگانعا ءوتىنىش جاسايدى. بىتىمگەرشىلىك وپەراتسياعا دايىندىق قاعيدالارىنا قوسىمشا بىتىمگەرشىلىك وپەراتسياعا قاتىسۋ تۋرالى كەلىسىمشارتتىڭ ۇلگىلىك نىسانى ______________________________________________________________________________ ______________________________________________________________________________ (ۋاكىلەتتى مەملەكەتتىك ورگاننىڭ اتاۋى, ورنالاسقان جەرى) ______________________________________________________________________________ اتىنان ______________________________________________________________________________ (ۋاكىلەتتى مەملەكەتتىك ورگاننىڭ (ۇيىمنىڭ) ______________________________________________________________________________ لاۋازىمدى ادامىنىڭ تەگى, اتى, اكەسىنىڭ اتى (بار بولسا) جانە لاۋازىمى) جانە ______________________________________________________________________________ (بىتىمگەرشىلىك وپەراتسياعا قاتىساتىن ادامنىڭ تەگى, اتى, اكەسىنىڭ اتى) ______________________________________________________________________________ (بۇدان ءارى – ازامات) ______________________________________________________________________________ (ونىڭ جەكە باسىن كۋالاندىراتىن قۇجاتتىڭ اتاۋى, ءنومىرى جانە بەرىلگەن كۇنى) ______________________________________________________________________________ (جەكە سايكەستەندىرۋ ءنومىرى) بىتىمگەرشىلىك وپەراتسياعا قاتىسۋ تۋرالى زاڭنامادا جانە وسى كەلىسىمشارتتا بەلگىلەنگەن شارتتاردا ___________ مەرزىمگە وسى كەلىسىمشارتتى جاساستى. 1. بىتىمگەرشىلىك وپەراتسياعا قاتىساتىن ازامات ەرىكتى نەگىزدە __________________________لاۋازىمىنا تاعايىندالادى, قازاقستان رەسپۋبليكاسىنىڭ ەڭبەك كودەكسىندە, «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» 2015 جىلعى 15 ماۋسىمداعى قازاقستان رەسپۋبليكاسىنىڭ زاڭىندا كوزدەلگەن شارتتارمەن تانىستى جانە وعان بىتىمگەرشىلىك وپەراتسيانىڭ زياندى جانە قاۋىپتى جاعدايلارى تۋرالى, سونداي-اق مىندەتتەردى ورىنداۋمەن بايلانىستى قۇقىقتارىنىڭ شەكتەلەتىنى تۋرالى ەسكەرتىلدى. 2. بىتىمگەرشىلىك وپەراتسياعا قاتىساتىن ازامات: 1) قازاقستان رەسپۋبليكاسىنىڭ كونستيتۋتسياسىن جانە باسقا نورماتيۆتىك قۇقىقتىق اكتىلەرىن ساقتاۋعا; 2) «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» 2015 جىلعى 15 ماۋسىمداعى قازاقستان رەسپۋبليكاسىنىڭ زاڭىندا بەلگىلەنگەن شەكتەۋلەردى قابىلداۋعا; 3) كەلىسىمشارتتىڭ قولدانىلۋ كەزەڭى ىشىندە بىتىمگەرشىلىك وپەراتسياعا قاتىسۋ بارىسىندا مىندەتتەردى ادال ورىنداۋعا; 4) ەڭبەك ءتارتىبىن جانە قىزمەتتىك ەتيكا قاعيدالارىن ساقتاۋعا; 5) لاۋازىمدىق مىندەتتەردى ورىنداۋ پروتسەسىندە مەملەكەتتىك م ۇلىككە نۇقسان كەلتىرۋگە جول بەرمەۋگە; 6) مەملەكەتتىك قۇپيالاردى قۇرايتىن مالىمەتتەردى, ونىڭ ىشىندە بىتىمگەرشىلىك وپەراتسياعا قاتىسۋ اياقتالعاننان كەيىن دە, قازاقستان رەسپۋبليكاسىنىڭ زاڭناماسىندا بەلگىلەنگەن ۋاقىت ىشىندە جاريا ەتپەۋگە; 7) كومانديرلەردىڭ (باستىقتاردىڭ) جانە وزگە دە لاۋازىمدى ادامداردىڭ بەرىلگەن وكىلەتتىكتەر شەگىندە بەرىلگەن بۇيرىقتارى مەن وكىمدەرىن ورىنداۋعا مىندەتتى. 3. بىتىمگەرشىلىك وپەراتسياعا قاتىساتىن ازامات: 1) قازاقستان رەسپۋبليكاسىنىڭ كونستيتۋتسياسىندا جانە زاڭناماسىندا كەپىلدىك بەرىلگەن قۇقىقتارى مەن بوستاندىقتارىن پايدالانۋعا; 2) قازاقستان رەسپۋبليكاسىنىڭ زاڭناماسىندا كوزدەلگەن نورمالار بويىنشا جانە تارتىپپەن مەملەكەت ەسەبىنەن اقشالاي, كيىم-كەشەكپەن جانە قامتىلىمنىڭ باسقا دا تۇرلەرىمەن قامتاماسىز ەتىلۋگە; 3) قازاقستان رەسپۋبليكاسىنىڭ ەڭبەك زاڭناماسىندا كوزدەلگەن شارتتاردا ۋاكىلەتتى مەملەكەتتىك ورگانمەن كەلىسىمشارت جاساسۋعا, مەرزىمىن ۇزارتۋعا جانە ونى بۇزۋعا; 4) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن بىتىمگەرشىلىك قىزمەت بارىسىندا مىندەتتەردى ورىنداۋ كەزىندە ومىرىنە جانە دەنساۋلىعىنا نەمەسە جەكە مۇلكىنە كەلتىرىلگەن زالالدىڭ وتەلۋىنە; 5) قازاقستان رەسپۋبليكاسىنىڭ زاڭناماسىندا بەلگىلەنگەن جەڭىلدىكتەر, كەپىلدىكتەر مەن وتەماقىلار الۋدى قوسا العاندا, بىتىمگەرشىلىك قىزمەتپەن بايلانىستى قۇقىقتارىنىڭ جانە ونىڭ وتباسى مۇشەلەرى قۇقىقتارىنىڭ ساقتالۋىنا قۇقىعى بار. 4. ______________________________________________________________________________ (ۋاكىلەتتى مەملەكەتتىك ورگاننىڭ (ۇيىمنىڭ) اتاۋى) بىتىمگەرشىلىك وپەراتسياعا قاتىسۋ ءۇشىن ازامات ___________________________________________________قابىلداي وتىرىپ: (اتى, تەگى, اكەسىنىڭ اتى) 1) ازاماتقا قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە, ەڭبەك شارتتارىندا, ۇجىمدىق شارتتاردا, جۇمىس بەرۋشىنىڭ اكتىلەرىندە كوزدەلگەن جالاقىنى جانە وزگە دە تولەمدەردى ۋاقتىلى جانە تولىق مولشەردە تولەۋگە; 2) وسى كەلىسىمشارتتى جاساسۋ كەزىندە ازاماتتى قازاقستان رەسپۋبليكاسىنىڭ زاڭناماسىندا ايقىندالعان لاۋازىمدىق مىندەتتەرىمەن جانە بىتىمگەرشىلىك قىزمەت شارتتارىمەن تانىستىرۋعا; 3) قازاقستان رەسپۋبليكاسىنىڭ زاڭناماسىندا كوزدەلگەن تارتىپپەن جانە شارتتاردا بىتىمگەرشىلىك قىزمەت بارىسىندا مىندەتتەردى ورىنداۋ كەزىندە ازاماتقا ومىرىنە جانە دەنساۋلىعىنا نەمەسە جەكە مۇلكىنە كەلتىرىلگەن زالالدىڭ وتەلۋىن قامتاماسىز ەتۋگە; 4) بىتىمگەرشىلىك وپەراتسياعا قاتىساتىن ادامدى بىتىمگەرشىلىك قىزمەتتىڭ زياندى جانە قاۋىپتى جاعدايلارى مەن كاسىبي سىرقاتتانۋدىڭ مۇمكىندىگى تۋرالى, سونداي-اق بىتىمگەرشىلىك قىزمەت بارىسىندا مىندەتتەردى ورىنداۋمەن بايلانىستى قۇقىقتارىنىڭ شەكتەلەتىنى تۋرالى ەسكەرتۋگە; 5) بىتىمگەرشىلىك وپەراتسياعا قاتىسۋ ءۇشىن ازاماتتى ىسساپارعا جىبەرۋ تۋرالى بۇيرىق شىعارۋعا مىندەتتەنەدى. 5. ۋاكىلەتتى مەملەكەتتىك ورگاننىڭ لاۋازىمدى ادامى: 1) «قازاقستان رەسپۋبليكاسىنىڭ بىتىمگەرشىلىك قىزمەتى تۋرالى» 2015 جىلعى 15 ماۋسىمداعى قازاقستان رەسپۋبليكاسىنىڭ زاڭىندا بەلگىلەنگەن شارتتاردا ازاماتپەن كەلىسىمشارت جاساسۋعا, مەرزىمىن ۇزارتۋعا جانە ونى بۇزۋعا; 2) كەلىسىمشارت جاساسۋ كەزىندە بىتىمگەرشىلىك وپەراتسياعا قاتىساتىن ادامنان قازاقستان رەسپۋبليكاسىنىڭ ەڭبەك كودەكسىندە كوزدەلگەن قۇجاتتاردى ۇسىنۋىن تالاپ ەتۋگە; 3) قازاقستان رەسپۋبليكاسىنىڭ ەڭبەك كودەكسىندە بەلگىلەنگەن تارتىپپەن كوتەرمەلەۋگە جانە تارتىپتىك جازا قولدانۋعا قۇقىعى بار. 6. وسى كەلىسىمشارت بىتىمگەرشىلىك وپەراتسياعا قاتىسۋ ءۇشىن ازاماتتى ىسساپارعا جىبەرۋ تۋرالى بۇيرىق شىعارىلعان كۇننەن باستاپ كۇشىنە ەنەدى جانە ول جاسالعان مەرزىم اياقتالعاننان سوڭ نەمەسە ونىڭ بۇزىلۋىنا بايلانىستى ءوز قولدانىسىن توقتاتادى. 7. كەلىسىمشارتتىڭ شارتتارى تاراپتاردىڭ ورىنداۋى ءۇشىن مىندەتتى بولىپ تابىلادى, تاراپتاردىڭ داۋلارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن شەشىلەدى. 8. كەلىسىمشارت مەملەكەتتىك جانە ورىس تىلدەرىندە _______دانادا جاسالدى, ونىڭ ءبىر داناسى بىتىمگەرشىلىك وپەراتسياعا قاتىساتىن ادامعا بەرىلەدى. 9. قوسىمشا شارتتار______________________________________________________________ ______________________________________________________________________________ ______________________________________________________________________________ __________________________________ ___________________________________________ (بىتىمگەرشىلىك وپەراتسياعا قاتىساتىن (ۋاكىلەتتى مەملەكەتتىك ورگاننىڭ ۇيىمنىڭ) __________________________________ _______________________________________ ادامنىڭ تەگى, اتى, اكەسىنىڭ اتى) لاۋازىمدى ادامىنىڭ تەگى, اتى, اكەسىنىڭ اتى) __________________________________ _______________________________________ (جەكە قولى) (جەكە قولى) م.و. 20__ ج. «___»__________ 20__ ج. «___»___________ كەلىسىمشارتتىڭ قولدانىسىن توقتاتۋ____________________________________ (توقتاتىلعان كۇنى جانە نەگىزدەمەسى) ______________________________________________________________________________ ______________________________________________________________________________ م.و. __________________________________________ مەملەكەتتىك ورگاننىڭ (ۇيىمنىڭ) باسشىسى